Mei Sonnehut - de Liebe Gott unn de Deibel

Gerhard Engbarth aus Bad Sobernheim

Objekt: Sonnenhut

Die Doro hatt' mer vor Johre de eleganteschte Sonnehut meines Lebens geschenkt, awwer jetz sat se uff ämol: „Meinst du nicht, es wäre an der Zeit, einen neuen Hut zu kaufen und den alten in die Mülltonne zu werfen.“ Ich war entsetzt unn sat: „Mei beschter Hut in die Mülltonn? Im Lewe nit. Mir loss'en flicke.“

De Doro ihr Blick war unbeschreiblich. Jetz hieß es, Näjel mit Köpp zu mache. Ich sat: „Vommir aus, da kafe mer halt e neuer Sonnehut, awwer de altae hänge mer an de Na'el, so, dass ich en jederzeit anziehe kann, bei besonnere Anläss.“

Die Doro hott die Au'e gerollt: „Wa-rum?“ Ich sat „Wenn ich mich in dene Hut erinnversetz als wär ich er, da eh ich, wie ich vorm Liebe Gott steh unn mir gejeüwwer steht de Deibel, der zu Gott spricht: „Der Engbarth is 69, hott Weichteilrheuma, nimmt Cortison degeje, wovon er e 12 Kilo zugenomme hott, e Mondgesicht hott unn Diabetes hott - loss en uns in die Tonn schmeiße!“

Do richt sich de Liebe Gott in seim Thron uff unn set mit Donnerstimm: „Im Lebe nit! Sondern mir mache de Engbarth zum Rentner unn häng'en an de Na'el. Do muss er nix mehr müsse, do darf er alles dürfe, do kann er sich endlich ausruhe unn auskuriere.“

 

Kommentar schreiben

Kommentare: 0